黃一山拍片自封「期王」　「期后」竟然係佢：娛樂圈最緊要識溝通

藝人黃一山（細龜）近年都在內地發展，同時經常拍片大爆娛樂圈秘史。最近一條影片中談到「期王」同「期后」，細龜笑話「視帝」和「視后」大家聽得多，那到底什麼是「期」呢？就是將自己的工作安排得非常緊密，然後稱王稱后。那到底誰是「期王」和「期后」呢？細龜自封「期王」是自己，他拍片解釋：「話說當年90年代，我由幕後編劇轉做幕前，同一時間我做好多嘢，多到點呢？喺TVB裡面，我要做《娛樂新聞眼》、《歡樂金宵》同拍劇集等啦，基本上常人已經排到滿，但我厲害之處，仲可以喺出面有三部電影經常拍緊。」

細龜能夠一個人同時間做這麼多事，原來有一個原因，他說：「因為我冇簽經理人，所有期都自己去度，然後我就搵晒啲監製一齊去夾個期，度到期出嚟就可以做其他嘢。」

另外談到「期后」是他好友朱咪咪，她厲害的原因細龜說：「佢經常就接外國演唱會，坐飛機都要坐兩三日，未計演出。本來有一個星期戲要拍，撞佢要飛，佢試過同劇組講可唔可遲一個星期拍，又得。所以話娛樂圈最緊要識溝通，唔好畀個期煩到自己。」

點擊睇更多細龜講咩！

同場加映

無綫爆離巢潮一個月連走7人　細龜黃一山：演員缺乏係TVB一手造成