森美疫情下有廣告拍幫補生計 笑稱可以落重本過年:終於有盆菜食

撰文:劉傳謙
出版:更新:

森美今日(20/1)現身觀塘,為加密貨幣兌換店拍攝廣告,他接受《香港01》訪問時坦言,自己過去也略有研究加密貨幣,卻找不到投資途徑,直至最近以加密貨幣購買NFT(非同質化貨幣)的風氣盛行,他決定趁拍攝廣告加深了解NFT市場,滿足自己求知慾:「依家NFT真係好hit,周杰倫有,香港好多藝人都有,甚至坂本龍一喺日本都攞音符嚟賣。呢個算係其中一個投資產品,分享自己創作嘅平台。(有冇諗過自己出NFT?)有呀,本身所講嘅分享就係咁,好似以前分享森美嘅相要去信和買,當然情況同其他人唔同,其他人可能係$50一張,我係$5一疊。或者係我將社交媒體嘅相同大家分享,$1一張咁畀大家攞。」他也想過錄下自己的愛情觀念,與用家分享,但希望大家不要藉價格升跌而炒賣NFT。

森美在疫情下獲邀擔任加密貨幣兌換店代言人。(葉志明攝)

森美坦言近期疫情再次升溫,有一個廣告及5個司儀工作要取消或押後,幸好自己花費不算多,能撐過收入較少的日子,如今在疫情下有工開,他笑說:「幸好呢個工作唔受疫情影響,農曆新年終於可以有盆菜食。本來就淨係食白粥同蘿蔔糕,蘿蔔糕入面係冇臘肉嘅,依家蘿蔔糕可以加返啲臘肉入去,一家人都可以食盆菜。」疫情下一對子女也將回歸在家上課的日子,森美指他們只上半日課,某程度上已經適應,不過子女認為能回到學校看到同學和老師會較高興,不過為求盡快清零,重拾正常生活,他們也需要暫時忍一忍,避免聚會。

森美有意將自己創作以NFT形式分享。(葉志明攝)
你可能感興趣