幼稚園K2要整建築物立體模型 修哥都嗌高難度:唔好咁認真
近日胡楓(修哥)跟兩個小孩劉小華及班花Maggie Cute,齊齊拍攝一個旅遊網站廣告,修哥更返老還童,穿上藍色校褸及灰短褲飾演小學生,不過廣告片中他們就相當煩惱,修哥一開首已說「功課又多又難,點做呀?」而劉小華即推晒功課落地「咁即係逼我抄啫?」班花Maggie Cute一句K.O.同學仔「都冇人識做,點抄喎?」廣告充滿黑色幽默,但想深一層卻是現時學生的寫照,壓力都咪話唔大。
功課深淺因人而異,但近日網上流傳一份名校幼稚園的功課通告,內容是要就讀K2,年齡約4、5歲的學童,製作一份未來香港建築物的立體模型,製作材料不限,大小則為12吋乘12吋,雖然通告講明是要家長一起參與,但按常理成年人也不能輕易製作出建築物模型,幾歲的K2學生肯定難以勝任,最終又是辛苦了爸爸媽媽。
修哥接受《香港01》記者訪問,他表示「聽落都覺得深。」但修哥卻認為不要小看小朋友的潛力,「依家啲細路3、4歲已經好醒目,好多嘢都識。」(建築物模型幼稚園學生應該冇辦法做到?)「咁樣講,咪當玩之嘛,俾佢哋嘗試吓,細路仔實整得唔靚,失敗都冇所謂。其實教育界、家長都要開竅吓啦,唔好咁認真,當俾佢哋玩啦。」
今時今日望子成龍的父母家長,往往將「贏在起跑線」掛在嘴邊,小朋友的功課固然越難越好,而且興趣班一大籮,令小朋友飽受壓力。修哥表示:「每個年代嘅父母對子女都有期望,有人學琴,有人跳芭蕾舞,以後睇番真係有成就。細路有時係要強逼,唔逼佢哋會懶散。」不過現時四代同堂的修哥,自言給予子女很大自由度,「我自己就俾子女自由發展嘅,唔想佢哋有壓力。」修哥更笑呵呵表示現時不用再煩教育下一代,「連啲孫都讀大學,或者出嚟做嘢,至於曾孫就只係玩,教育留俾佢哋父母啦。」
記者聯絡到該名學生家長,對方表示「家長做實冇難度,都係花咗1個多小時。」該名家長用汽水罐、廁紙筒及益力多樽,以AA膠黐成建築物,在頂端周圍黐上海綿,代表雲層,意味香港人會越住越高,甚至去到雲端,而小朋友真正做的只是黐上窗門。對於學校的模型功課,該名家長則表示「我覺得係將教細路嗰樣嘢,分番俾家長,整模型嘅過程,要同細路講解,即係做埋老師嗰份。」不過他表示未有留意其他小朋友的作品,但覺得要小朋友整模型,始終要接觸膠水、剪刀,有一定危險性,令他不大放心,估計其他同學作品也是家長操刀。