Anson Lo終有機會與按摩品牌合作：唔只一次同花姐講唔知幾時到我

Anson Lo(盧瀚霆）又有新廣告出街，有按摩達人之稱嘅教主當知道將接拍按摩品牌廣告時，表示十分雀躍，他笑言之前曾不只一次同花姐提過「唔知幾時到自己」，如今終於有機會，拍攝期間表現得一絲不苟：「今次嘅拍攝方式對我嚟講都係一個新挑戰，因為唔只係單純跳舞或者聲演咁簡單，而係需要一人分飾兩角，用肢體動作同表情嚟呈現多種截然不同嘅『爽』、『痛』感覺。雖然今次好有挑戰，但我非常享受每個 moment，因為每次睇番playback都見到唔一樣嘅自己。」

拍攝廣告當天正正是「教母」的生日，教主完成拍攝後便立即趕回家陪媽媽慶祝：「做完嘢當然要送禮物同媽媽『耍冧』，呢部『推拿教主』就係最好嘅禮物，有時媽媽長時間做家務都會腳痛，之前佢會叫爸爸按摩，依家有咗呢件法寶就幾時都可以按！呢部腳機有好多款按摩手法，仲好醒識得自動調教位置由小腿滑動至大腿，再針對唔同穴位按壓，當晚媽媽試完都大讚超爽，唔捨得讓位！按摩又舒服又可以保健，呢部先係真正嘅家庭和諧機！」