麥長青做完直播帶貨再做檢測義工：很簡單的事情

廣州疫情近日升溫，喺剛過去年嘅周末廣州全市11個區進行全員核酸檢測，有網民喺零晨時份發現年初北上發展嘅麥長青，不過佢就唔係同大家一齊排隊做檢測，而係穿上印有「志願者」嘅外套，喺場內幫助唔識使用智能手機嘅長者，做檢測時登記身份嘅問題。麥包表示自己晚上12點收工就過嚟幫手，仲話「很簡單的事情」。

片段曝光後，有網民指麥包當晚做完帶貨直播，估唔到佢收工仲去做義工，亦有網民指麥包自去年開始已經不時喺小區做義工，留言多謝「非凡哥」。