陶大宇現場唱《倒轉地球》再現魔性舞步 粉絲同步唱玩得high
撰文：鄺鈺瑩
出版：更新：
陶大宇今午（21日）現身觀塘，為一月時嘅商場騷「找數」，精神爽利嘅佢先以一首《唱這歌》同圍觀嘅路人熱身，之後再送上《倒轉地球》，有舞步、有台風，絕對係魔性十足。
陶大宇首次在商場唱《倒轉地球》，現場更有粉絲舉燈牌。（梁碧玲攝）
陶大宇接受訪問時表示之前由於疫情關係 ，甚少外出，今日見到咁多人都覺得係好開心。「頭先唱歌同大家互相都好配合，不過我就一定要配合啦，因為收咗錢。見到有人飯都未食嚟睇我表演，咁就仲開心。」陶大宇笑言今日講得太多嘢，所以把聲「沙沙哋」，但未有影響演出。「原來帶口罩唱歌真係好辛苦，抖唔到氣，歌詞之間要回氣，尤其是我把天籟嘅聲音，希望大家見諒。」唯然今日係首次公開表演，但陶大宇就未有特地練歌，原因係「倒轉都識唱」。
勁多人合照。（梁碧玲攝）
問到之後會否到內地工作，陶大宇表示由於香港排了不少工作，加上疫情影響，所以暫時唔會北上。「有網劇要宣傳，又有代言，加上有啲宣傳片要拍，5月開始會忙（疫市奇葩？）唔算啦，我喺屋企坐嘅時候大家唔知啫，而家「懶」係好勁咁，其實啲嘢好濕碎，」
活動喺中午舉行，唔少人趁lunch time圍觀。（梁碧玲攝）
陶大宇將留港工作，並會為網劇《JD女法醫》進行宣傳。（梁碧玲攝）
連成日講港產片的Hebe都係大宇粉絲。