馮盈盈纖腰最瘦得21吋 5呎5吋僅97磅:都知道咁樣唔健康!

撰文:郭敏玲
出版:更新:
馮盈盈30秒內扭了61下呼拉圈,纖腰果然係勁。(黃國立攝)
劉穎鏇5歲就打籃球,轉起球上來都好熟練。(黃國立攝)

應屆港姐馮盈盈、劉穎鏇、岑杏賢及郭子豪等人穿上運動裝出席明珠台即將推出的健康節目宣傳活動。其中馮盈盈在30秒內極速扭呼拉圈,擺動期間,展示了22吋極幼細纖腰,令在場不少女士羨慕。

馮盈盈身高5呎5吋,是標準身高。她透露人生最瘦試過只得97磅,可想而知有幾瘦,咁條腰咪20吋都冇?她笑言:「條腰最盡都有21吋嘅,當時在大學到外國做交換生,回到香港就有同學話我肥,你知道年輕少艾有多在意自己身型啦,所以當時就諗方法減肥,就減到咁,我都知道咁樣唔健康。」所以她現在一有空閒就會跑步,但強調自己一個:「跑步跑到索晒氣都講唔到說話啦。」不過她現在工作量多,運動時間少之又少,唯有發揮她老本行,從飲食入手。