曾江鬼仔性格合作好愉快 余安安:我好鍾意佢

撰文:蘇國豪
出版:更新:
余安安有「最靚婆婆」稱號。(梁碧玲攝)

Tvb(無線)綜藝節目《日日媽媽聲》再添食,將會推出第二季,而今(27日)節目就在電視城進行錄影,三位主持人陳凱琳、余安安、羅敏莊靚靚現身,相當吸睛。

余安安今日出席《日日媽媽聲》第二季記者會。(梁碧玲攝)

而去年6月時分,長女李文琪誕下女兒,榮升婆婆的安安姐被問道有否同外孫影嬰兒照留紀念,她就表示:「冇去特別影,出咗世冇幾耐嗰時,佢哋自己影咗一輯,咁我痴埋去都影咗一啲。(依家防疫措施放寬咗少少,有冇多咗帶外孫去玩?)有限度地去啲人少嘅地方,佢仲細都唔會周圍帶佢去邊,因為佢始終冇得打針,所以都係小心啲好啲。」而安安姐亦提到自己一星期會去2至3次女兒家幫手湊外孫,揚言好樂意做這件事並好開心。

另外,提到演員曾江在檢疫酒店倒斃一事,安安姐曾同曾江合作過,她就表示:「佢係一個非常好嘅長輩,咁我哋拍嘢嘅時候,我記得我哋係開心嘅,因為佢係一個鬼仔嚟,成日都同我哋玩,做嘢時就好認真,合作好開心,我好鍾意佢。(私底下有冇聯絡?)冇,都係工作場合撞到。」

余安安激讚曾江教導後輩演戲方法不會令人緊張。(梁碧玲攝)

再追問道曾江值得後輩學習的地方是甚麼,安安姐就表示:「佢好敬業,對後輩佢用casual方法去指導,會令到你舒服啲,佢教導嘅方法唔會話好嚴肅,係好輕鬆、開心,咁我覺得對呢樣嘢對後輩好好,唔會好緊張。」強調同曾江工作係一件愉快事。