家燕姐拍賣25件登台衫籌超過10萬 粉絲反應熱烈:我仲有1000件!

撰文:林迅景
出版:更新:

薛家燕(家燕姐)日前(02/5)搞網上拍賣會,損出自己入行以來幕前服飾珍藏,為莒光文化服務籌款,用以幫助受疫情衝擊的劏房戶。網上拍賣會家燕姐拿出了25件珍藏拍賣,反應十分熱烈!其中有「登基衫」之稱的皇帝黃服飾更以$8,000成交,而《食神》中飾演角色「味公主,超級食神大賽評判」時穿着的海藍色衣服亦以$3,000成交,總數25件服飾已於當晚拍出,據知拍賣總收益最少也有十多萬元。

家燕姐搞網上拍賣會,大受歡迎。(資料圖片)

家燕姐接受《香港01》訪問時,自言第一次主持拍賣會的心情十分刺激,說:「好緊張!好興奮!好大體驗!第一次做都學到好多嘢!原來網上拍賣要好多力氣!好開心啲粉絲撐場,唯一遺憾係,我哋叫停時,仲有粉絲出更高價錢,但有時網絡問題會遲咗睇唔到,下次會吸收經驗,爭取更多善款!」

家燕姐表示第一次搞拍賣會,心情很興奮。(截圖)

籌到的款項將會全數用作慈善用途,家燕姐表示對此次善款數字都相當滿意,明言有機會的話會再舉辦多一次,幫到人之餘粉絲買到心儀服飾也開心。她說:「我有信心下次可以做得更好!因為好多粉絲之後message我話要再嚟過,因為Bid唔到,亦好多粉絲畀咗啲意見。我初時都擔心反應,不過真係冇諗過會咁刺激同咁多粉絲,咁熱烈支持!我仲有1000件衫,哈哈!今次試水溫,有機會一定再拍賣。最後件 『登基衫』有啲粉絲仲話我講幾多就畀幾多。我都唔好意思講!同埋好開心有好多海外粉絲包括馬來西亞、星加坡都有參與,佢哋真係好熱情!現在唯一最重要就是花些時間去搵衫!節目完結了,還有很多粉絲今天再問幾時來第二次!反應真的唔錯,真的很開心!」

家燕姐賣衫拍賣會有超過2千人收看。(截圖)

家燕姐表示,其中有一位老太太70歲大壽,但因為bid不到心儀服飾而感到失望,家燕姐知道後就決定找一件同類型的服飾代替。她說:「有一位老太太想bid其中一件衫,bid唔到好失望,她的女兒請求我們可否找一件同類型的。她要買下來送給母親節的禮物,她那麼孝心,我答應了,明天返倉去搵!」據主辦方初步估算,當晚只是25年衣服,就已籌到超過10萬元款項,除此之外還有225件精美製作的衣服也同步於網上拍賣,家燕姐的「第一次」拍賣會可說是非常地成功!

+9