傳幫開電視搞掟錢騷硬撼TVB 鄧兆尊否認:以訛傳訛傳錯咗
撰文:陳芷穎
出版:更新:
尹光和鄧兆尊今日(8/6)現身香港港台出席「撐港隊」打氣活動,鄧兆尊接受《香港01》訪問時表示自己是踢波球迷:「睇波都少睇,但港隊一定要支持。」
兆尊透露正與尹光拍攝共15集的港台節目《老中青多自強》:「全部都係室內活動,老、中,青三代都可以玩,例如劍擊、攀石,今日就拍咗瑜珈。」他續指千萬不少看少尹光的體力:「唔好睇少佢,光哥外表虛弱㗎咋,攀石攀到咁高,我都頂佢唔住,幾驚,下面幫佢托住。」
曾志偉早前宣布將重拍《獎門人》,問到兆尊會否回歸節目,他說:「講真,就算獎門人開乜嘢,需要用人,我一定返去,因為我係佢徒弟。《獎門人》有172個遊戲,係我哋每一晚錄完《獎門人》之後開會到四、五點再度出嚟,幕後好多叻嘅人」,他表示最重要觀眾看得開心。
有傳鄧兆尊會幫開電視搞「掟錢騷」硬撼TVB,他否認並解釋是一場誤會:「係嗰個Live嘅問題,佢哋問咗我一個問題,我係聽講過我會做一個節目,將會有個類似嘅節目開啫。(其實係冇參與?)以訛傳訛傳錯咗啫。」