Anson Lo謙虛自認唱歌較遜色︰要有時間訓練就少咗時間做其他工作

撰文:李婉文
出版:更新:

組合MIRROR成員Anson Lo(盧瀚霆)人氣高企,他才剛剛推出新歌《King Kong》,大受神徒歡迎。日前他接受鄭裕玲(Do姐)主持的《口水多過浪花》訪問,謙虛自認自己唱功比起其他歌手遜色,需要時間改善。

Anson Lo接受Do姐的訪問。(IG@do_do_cheng)

MIRROR即將舉行紅館演唱會,掀起搶飛熱潮,亦引來不少鏡粉對於票務安排的不滿。Anson Lo直言︰「如果你問我個人情況嘅話,其實我個人都唔係好知有幾多飛,我媽咪都有成日問我,因為好多親戚追我媽咪,但係我都承諾唔到大家,因為我都唔知可以幫大家買到幾多。」而根據以往的經驗,他們的成員每人只得10張以內的門票,他說︰「以往我哋MIRROR開過兩次演唱會,嗰兩次都係臨開show前兩、三日,我哋MIRROR嘅成員就會知道可以每一場買到幾多飛,通常上次都係10張以內。(Do姐︰成員都係10張以內?)係啦。(Do姐︰父母唔計嘅?)計埋㗎啦,唔理你畀邊個㗎。」Anson Lo都直言「分配唔到,要揀邊個冇咁易嬲」。

教主好謙虛。(IG@ansonlht)

提到MIRROR得到大量粉絲支持,Anson Lo指他們都會擔心自己做得不夠好,「驚自己唔值得大家嘅鍾意」。Anson Lo表示︰「我淨係講我自己啦,我自己會好驚我唱歌唔夠好,譬如大家一定要比較,或者大家一定要去評論嘅時候,一定嘅係我自己唱歌方面一定遜色過其他歌手,可能咁樣好坦白好難聽,但係一定要我自己承認嘅嘢,我一定係有啲好不足嘅地方,要用時間去改善,但係呢個去改善嘅時間同我本身嘅工作係有衝突,因為如果你要有時間去做自己能力上嘅訓練,咁你就少咗時間去做其他工作,但係其實能力嘅訓練係好緊要,但係其他工作唔代表唔緊要。」

提到MIRROR得到大量粉絲支持,Anson Lo指他們都會擔心自己做得不夠好。(YouTube影片截圖)

一日只得24小時,好多神徒都會擔心Anson Lo會否工作過勞。Anson Lo續說︰「呢樣嘢坦白講係好貪心嘅,你冇得全神貫注去做歌手呢個職業,變相你就要拍戲拍劇,仲要接廣告喎,呢個係好貪心嘅多元身份,但係就用自己最大嘅努力平衡呢4個身份,所以嗰個驚就係,最驚平衡唔到,因為是但一個範疇做唔到嘅時候,就會令到自己一部分嘅樂迷一定會失望。」

點擊下圖觀看教主表情包:

+10
你可能感興趣