郭可盈12歲愛女首次開live 又一位星二代準備入行做KOL?

撰文:鄺鈺瑩
出版:更新:

郭可盈與林文龍結婚18年,寶貝女林天若(Tania)亦已12歲生日,不時在IG分享日常生活,而日前更首次開live,未知呢位星二代是否有意做KOL。

Tania首次開live,興奮多於緊張,表現不俗。

林天若表示自己剛剛去完迪士尼,正前往友人家中食飯,趁有少少時間所以開live。18分鐘嘅直播,Tania大部分以英語進行,不過有網民要求佢講廣東話時,佢亦可以即時轉換,並解釋係因為喺學校時以英語溝通為主,但平時同父母就會講中文。講晒都第一次開live,Tania表示好開心但又有少少緊張,期間頻頻同朋友掩嘴傻笑,十分可愛。

郭可盈自從生完Tania後,慢慢淡出娛樂圈,如今女兒已經12歲,就算復出拍劇都唔過份。(ig圖片)

有網民問到Tania有無睇過父母嘅作品,佢就話自己考完試都會煲劇,仲講出郭可盈舊作《青出於藍》嘅角色名字王若詩,睇嚟真係有煲劇。之後Tania又爆媽咪郭可盈十分鍾意韓國女團IZ*ONE成員張員瑛,並十分欣賞對方嘅身形,之後Tania又指媽咪本來都好鍾意BLACKPINK成員Lisa,但最近因自己關係而轉為欣賞Jennie。最後有網民問到媽咪會否復出拍劇時,Tania答「maybe,但我會唔捨得佢」嘅同時,背景中有一把疑似郭可盈嘅聲音表示「如果有好劇本」。

兩位千金都遺傳了媽咪郭可盈的優良基因。(ig圖片)
+18
你可能感興趣