張慧儀回春價做代言人低胸現身晒成果 笑囝囝叮囑做足安全措施
撰文：洪曉璇
出版：更新：
久未露面的張慧儀51歲仍KEEP得相當好，更受邀成為醫學美容代言人，出席活動時身穿橙色低胸貼身連身裙，S曲線盡現。張慧儀坦言，要囝囝批「批准」方可出席活動，更被對方叮囑要做足「安全措施」：「佢唔係怕我太性感個啲，佢係怕人多易病，叫我唔好除口罩、勤洗手！可能我有事就會傳染比佢，搞到佢都冇得返學，見佢咁有上進心，做亞媽都好安慰嘅。」慧儀拒透露今次做代言人費用，笑言「回春」無價：「咁睇落後生啲都好啊，咁大把角色比我發揮！（『回春』後想搵翻個伴？）唔敢諗呢啲嘢啦，一切隨緣啦，總之依家靚咗春風滿面。」
久未露面的張慧儀成為醫美廣告代言人。
除了擔任品牌代言人外，張慧儀近日忙於拍攝工作，重投劇組都感到興奮：「其實我一直都有拍攝嘅工作嘅，只係受到疫情影響，少咗好多外地拍攝嘅機會，之前要隔離十幾日，咁都會心掛掛個仔，唔敢走太遠。依家隔離日數都少咗，咁開始接洽啲電影，最好返大馬拍攝，咁我就可以順便探吓屋企人，因為太耐未見過佢地。」
久未露面的張慧儀坦言，要囝囝批「批准」方可出席活動，更被對方叮囑要做足「安全措施」。