李佳芯被安排做賭徒零秒入戲震撼全場 認沉迷演戲:我返唔到轉頭

撰文:黃欣華
出版:更新:

李佳芯雖然貴為視后,但一直對演戲都抱着謙虛學習的態度,為求演技更上一層樓,原來她一直有跟著名舞台劇導演兼老師甄詠蓓(Olivia)學戲,最近SUCH 團隊就公布《Bad Acting》一段李佳芯拋棄女神形象,被臨時安排演賭徒的戲,她由問老公拿錢的老婆,到問女兒借錢的阿嬸,李佳芯都有方法零秒代入角色,入形入格,演技得到老師甄詠蓓認同!

Ali熱愛戲劇,不斷進步!(影片截圖)
零秒入戲!(影片截圖)

演戲的過程中,李佳芯直言最困難是拋下「李佳芯」的身份:「學戲有時覺得『錯』都係一個過程,『錯』係一個經歷,我哋最難係拋底自己『李佳芯Ali』個身份,調返轉演戲有時就係「李佳芯」限制住自己嘅嘢,所以就視乎自己要追求啲咩,我嚟上堂,專注鑽研,學習戲劇就係想冇限制,我就是想將規限打開,咁樣就唔可以存在『李佳芯』。」

可以完全拋棄女神形象!(影片截圖)

點撃下圖睇更多Ali演技:

+17

李佳芯亦著迷演戲:「因為演戲會令我更加了解自己,原來我以前一啲都唔了解自己,唔知自己有咩可能性,透過演戲進入咗唔同角色就越來越擴闊,原來我可以咁,原來我可以咁,原來我只要願意去嘗試,願意去Say Yes,願意跳進去做,我就會看到更加多可能性和更加闊的自己,亦都係點解一進入劇,就返唔到轉頭嘅原因。」她同時亦對自己的演藝路充滿信心:「其實我覺得自己將來係一個好演員,但而家係成就好一個演員嘅過程,因為我覺得好嘅演員需要繼續學習,繼續了解生命、了解人、了解自己、了解這個世界的一個不斷的過程,所以唔會完㗎呢條路,所以我一直行緊成就一個好演員嘅一條路。」

認真的Ali!(影片截圖)
+8
你可能感興趣