日日媽媽聲丨吳若希爆老公家中地位最低 笑認:工人姐姐地位好高

撰文:洪曉璇
出版:更新:

吳若希(Jinny)近日北上隔離,準備為首套擔正做女一的劇集進行拍攝工作。Jinny婚後育有一子一女,日前擔任《日日媽媽聲》嘉賓時,提起一對仔女即回心微笑,更爆老公家中地位:「我都覺得有少少對唔住老公!」

吳若希婚後誕下一子一女。(IG:@jinnyng)

Jinny指囡囡比較斯文,囝囝則屬於放飛自我類型,最鍾意唔着衫周圍走學習能力方面,兩姊弟亦有很大差別,Jinny指家姐語言能力較佳,細佬則運動能力較強。一般人認為女兒是爸爸的前世情人,兒子則是媽媽的前世情人,Jinny卻笑指他們一家人剛剛相反:「囡囡成日黐住媽媽,囝囝就每朝起身會好Sweet咁去嗌爸爸,同埋囡囡好易呷醋,我攬住爸爸或者細佬,佢就會問:『點解你冇攬我?』」提到老公家中地位,Jinny笑指囡囡和囝囝地位最高,工人姐姐和寵物緊隨其後,老公則排在最尾,她笑言:「工人姐姐地位好高,因為要幫手湊小朋友,小朋友都特別黐佢哋,我都覺得有少少對唔住老公!」

吳若希笑指老公是家中地位最低的一個。(IG:@jinnyng)
+59

56歲胡渭康出身於普通家庭,直到30歲才得悉自己是養子,雖然養父母與他沒有血緣關係,但養父母對他的愛相當無私,胡渭康對此感到非常感激,他說:「我細個時體弱多病,一個禮拜可以去兩、三晚醫院,雖然爸爸媽媽係普通人家,但佢哋都好捨得使錢幫我補身,會燉鹿茸、高麗蔘畀我食。」胡渭康自小熱愛唱歌,15歲時參加了第一屆新秀歌唱大賽,原來亦是多得養母悉心栽培,胡渭康說:「媽咪見我咁鍾意唱歌,喺嗰時咁普通嘅家庭環境之下,都請老師返嚟教我唱歌,真係冇說話好講!」

56歲的胡渭康直到30歲才得悉自己是養子,雖然養父母與他沒有血緣關係,但養父母對他的愛相當無私,胡渭康對此感到非常感激。

育有一子一女的徐榮透露最愛黐住仔女,放工回到家就會攬實女兒減壓。講到囝囝與囡囡相差9年,徐榮指有過第一次湊仔經驗後,照顧囡囡時變得更得心應手,而最難忘則是入產房剪臍帶,他說:「第一次剪臍帶騰騰震,好似剪腸粉咁,要兩隻手先至剪到,第二次就好熟手,一埋到去就即時用兩隻手!」

徐榮自認愛黐住仔女,仲自爆好鍾意攬實囡囡減壓。
+2
你可能感興趣