胡定欣對感情事隨緣 笑言好友Bob更心急:希望佢唔會弄巧成拙啦

撰文:張嘉敏
出版:更新:

無綫電視與紫荊文化集團今日(5日)簽訂戰略合作協議,將攜手展開連串大計,視帝譚俊彥 (Shaun)與視后胡定欣亦有現身撐場。對於曾志偉表示希望發掘一些會講雙語的演員,對此Shaun說:「我講雙語ok,但係用普通話演戲同講嘢唔同,就好似唱歌咁,所以對演員嚟講係需要時間適應。」他認為今次簽約合作有助兩地文化交流,問到可會想參演真人騷,他表示:「我自己就想專注拍劇,不過never say never。」

視帝譚俊彥 (Shaun)現身撐場。(梁碧玲攝)

而定欣就表示近年開始有好多兩地文化的交流和合作機會,對演員來說可以了解和學習不同製作單位的工作方式,對演員的成長好有幫助。她說:「我國語ok,都見到有同事參演內地綜藝節目,要講國語拍劇有一定難度。早前我做咗一個40分鐘全國語訪問,做完覺得好攰,真係唔容易。」提到好友林盛斌 (Bob)日前揚言要幫她脫單,定欣笑言:「希望佢唔會弄巧成拙啦,佢仲急過我,我已經無話急唔急,都要睇緣份。」Shaun就叫定欣:「唔好理佢啫,呢啲嘢要順其自然先得,無得急。」

定欣說拍拖也要睇緣份。(梁碧玲攝)
+1