麥明詩在母親面前認多追求者正在篩選中：我選擇唔係咁大眾化口味
撰文：吳子生
出版：更新：
麥明詩和母親麥何小娟現身香港書展。（葉志明攝）
麥明詩今日（20/7）現身香港書展出席其母親麥何小娟撰寫的新書《麥太教育秘笈》簽名會。麥太透露出新書的原因：「其實有好多家長都喺網上度問我，關於小朋友嘅教育問題，有見及此，我就決定寫呢本書，將我畢生教導小朋友嘅方法同經驗同大家分享。而呢本書封面有句說話『輕輕鬆鬆，不做虎媽』係麥明詩同我一齊諗。」麥明詩接著說：「喺我成長嘅階段我過得係好開心，因為媽咪一路都好鼓勵我做任何自己想做嘅嘢，同時亦會發掘我哋嘅潛能，變咗我係好自主好獨立。」
麥明詩現身書展更有男粉絲衝前影相
提到麥明詩疑似正在戀中，有否見過對方？麥太笑言：「其實我係聽到就冇見過，但我係知佢正在進行篩選嘅程序，所以我就唔影響佢啦，相信佢篩選過後就會俾我哋見。」而麥明詩笑說：「我係好多新男朋友，而家我仲篩選緊，最重點係知道自己想要啲乜，同配合到自己生活模式，同人生想要嘅嘢。（你要求高？）唔係。只不過係我要求比較特殊，因為我嘅選擇唔係咁大眾化口味，哈哈！」