鄧兆尊大爆ViuTV內部管理有問題 開工拍攝進程極慢不如TVB

撰文:盧凱瑤
出版:更新:

YouTube Channel「田祖豪3寶」由曾志豪、陳寶玲(貴花田)擔任主持,昨日(4/8)邀請到早年離開無綫(TVB)回歸自由身的鄧兆尊作節目嘉賓,曾經擔任過ViuTV和香港開電視的節目嘉賓的他,分享各個電視台內的待遇。當中開設在「兆尊娛樂圈Q&A」好讓網民向他做出提問。

鄧兆尊先是分享對於TVB不再公開收視的看法,他認為電視台之間的高層是互相討論過這件事:「以我咁多年經驗大家應該都冇嘢嘅,我相信幕後高層傾過偈,有啲嘢互動緊,但係表面上就唔方便講,係良性競爭,好事嚟㗎。我都等睇MIRROR上《獎門人》。」不過當曾志豪問到:「點解要唔公布收視,係咪因為失勢?外面好多人都係咁諗。」鄧兆尊就回應:「獎門人(曾志偉)親自出馬呀嘛,好就話啫,萬一追唔返以前收視又唔會開心,係咪先。但要想追以前收視真係好難……以前真係好爆、好犀利。唔方便輸畀啲細嘅小朋友,係咪先?」

鄧兆尊大爆電視台之間的內部管理。(「田豪祖3寶」截圖)

鄧兆尊經常在不同電視台亮相,十分了解各電視台內部運作,而他亦有在節目中大爆不同電視台的分別,當中更指出ViuTV的內部溝通有問題:「大台始終幾唔好都好,內部管理真好好,我之前返TVB拍修哥(胡楓)大壽個節目,5、6部攝影記一齊去拍,啲嘢好快!但另一個台(ViuTV)我去拍嘢,導演同收音師講:『個咪唔係好得,換過佢!』,點知個收音師話『咁我入倉攞!』,點知個導演話『咁唔好啦』,好多嘢都好慢。同埋我從來都未試過去一個電視台做嘢,可能佢哋約你幾點,例如約我六點去到,點知一去到就話『大家要放飯,你坐陣先啦』,我坐兩個鐘頭等,冇所謂,不過佢內部溝通好有問題,管理層要做下嘢!」

鄧兆尊早年離開TVB回歸自由身。(影片截圖)

上述情況令主持人貴花田非常震驚,更直言:「冇可能要個Guest(嘉賓)等你兩粒鐘。」不過,兆尊認為這個情況比起TVB、ViuTV以外的另一間電視台之辦事手法,已經算是小事:「以我過往經驗,做完嘢正常就會畀張單你簽就出糧,我未試過係我去某一個台,我唔講邊間啦,佢問我拎Invoice(收據),佢話『幫你再遞上會計部,30至60日就會畀錢你』(即係唔係即時有糧出,而係要等一陣?以前係咪好少見?)我係從未見過。拖一、兩個月,仲要係好少錢,少到出街就會用咗嘅錢。我去拍係因為幫朋友,錢銀真係唔係大問題,你講好咗就咩都得,希望佢做好啲,唔好令人覺得委屈,就算係幕後都係咁講,有咩可能收音仲惡過個導演呀。」

鄧兆尊不但曾經擔任過ViuTV和香港開電視的節目嘉賓,亦曾經作客亞洲心動娛樂(AMM)節目。(影片截圖)

不過,這些離譜的事件又怎麼只有一、兩件,鄧兆尊就分享一件更加誇張的事:「過年時間有一個台搵我,話想我新年帶歡樂畀大家『想你突擊去幾間食肆派利市畀食客』,呢個唔係問題,不過利市係我出。仲要係請埋啲人食飯,當開工飯,三圍人啦。不過佢(PA,助理編導)又話『我都係問下姐,你可以唔應承我』。」

曾志豪和貴花田聞言後表示事件極離譜,曾志豪又笑言:「你出鼓油,你出雞。」由於事件很過分,於是鄧兆尊就回應希望可以邀請記者到場拍攝:「冇問題,但係我叫埋記者嚟,你唔介意呀嘛?你個台做啲嘢咁先進,真係要畀其他電視台認識仿傚一下,呢樣嘢係賺到錢,又慳到好多點,之後佢就唔理我。」

鄧兆尊擁三房終出現新四太? 被指有夫妻相網友讚:靚過晒啲老婆

+54