吳若希有意介紹好姊妹畀方力申 麥美恩:我高攀唔起啦佢太完美

撰文:賴家杰
出版:更新:

藝人麥美恩(Mayanne)有份參演的劇集《痞子殿下》終於正式出場,出場時更有吊威也場面,這是她第一次嘗試吊威也。今天(14日)Mayanne出席宣傳活動時,笑言在劇中獻上多個第一次:「其實好擔心個場,出嚟效果好唔靚,但大家都畀咗好多鼓勵我。好多嘢第一次,第一次拍古裝、吊威也、打戲、扮貞子同畀人搜身,都睇到我好多美態出咗嚟。」

Mayanne對今次劇集表現好滿意。(梁碧玲攝)

Mayanne在劇中也有「福利」派給觀眾,就是展示一雙美腿,「今次好難得,同埋梳化服同事真係幫我好多,線條出晒嚟,我好滿意。派下福利囉,終於輪到我,係開心嘅,諗返轉頭都唔知自己點做到。」

Mayanne劇中都好搏命。(梁碧玲攝)

另外節目《鋪鋪Poker》昨天(13日)播出的一集有吳若希(Jinny)做嘉賓,期間Jinny指要介紹女友給方力申,那人就是Mayanne,Mayanne笑言對方是荀盤:「我識佢一段時間,佢不嬲都荀盤嚟,好嘢嚟,方力申我就高攀唔起啦,佢太完美,可能佢厭我太有活力。」

好驚訝。(梁碧玲攝)