錢嘉樂報喜「獎門人」曾志偉染疫後出關 阮兆祥:變番一線藝人!

撰文:吳子生
出版:更新:

錢嘉樂、湯盈盈及阮兆祥今日(31/8)齊齊現身大埔出席《仁濟安老送關懷·愛心福袋賀回歸儀式》。嘉樂透露早前確診新冠肺炎的「獎門人」曾志偉有望出關:「佢應該冇事,好番晒。其實嗰晚佢嚟唔到錄《獎門人》,聽佢把聲都唔覺佢有事,只不過係關個疫情制度上,佢唔嚟得啫,所以佢迫住先要閉關。其實佢嗰晚把聲係冇事。」而身邊阮兆祥就笑言:「獎門人冇事啦,應該變番一線藝人。」

+1

談到最近有五名候選港姐疫染,問電視城內是否人心惶惶?嘉樂表示:「其實都唔係淨係TVB,香港日日都好多人中,咁其實我哋都上下一心,我相信TVB有佢一定嘅決策要轉,例如中咗我哋要點樣去調動,咁香港人都要上下一心,要彈性去做囉。」