「千億女友」郭嘉文勁慳家重著吊帶衫　林凱恩︰佢著過好多次

林凱恩（Iris）今日（3/9）現身將軍澳出席《香港愛護動物協會第八屆愛「飾」動物日開幕典禮》。提到閨蜜人稱「千億女友」郭嘉文（Karman)，日前被化妝師Yumi在社交網po影片，最新近況意外曝光，有眼利網民發覺Karman身上吊帶上衣兩年前慶祝生日時已經著過，指她名副其實是慳妹一名。

Iris接受《香港01》訪問時笑說：「我都有睇到相關報道，其實話佢一年著兩次，都講得太過保守。其實佢係著過好多次，而且佢身形依然Keep得咁Fit，連我都好羨慕佢。（佢點解一件衫可以著咁耐？）因為佢著得好睇囉，同埋我哋唔係衫著人，而係人著衫，咁所以佢著咩都咁靚嘅。而我啲衫佢都會攞嚟著。（Karman有否睇相關報道？）有呀，不過我就笑佢唔緊要啦，30歲仲依然咁靚。（你同Karman感情咁情感好，其實係咪情侶嚟？）其實我同佢應該係上一世情侶嚟，今世再續前緣，而我哋一星期可以見足7日唔厭。我同佢嘅感情真係好難得咁好，大家仲好似家人嘅感覺。」