泳兒睇中浴缸想去Styacation放鬆 施匡翹搞歌迷聚會想親自下廚
撰文：林迅景
出版：更新：
施匡翹和泳兒日前（09/09）為新開張的「拍攝場地」開幕，活動上也播出泳兒新MV打響頭炮！泳兒表示，行完整個場地一圈之後，自己最愛浴缸擺設，更表示下個MV擔任導演時要借場拍攝。她說：「見到個浴缸就掛住去旅行，但係返香港仲要隔離，所以完騷都未必可以去，最多staycation充電。」
施匡翹和泳兒日前（09/09）出席「拍攝場地」的開幕活動。
提到早前軒仔在直播前間安慰自己，搞到忍唔住爆喊，她說：「其實我都大壓力，因為自己想做到最好，軒公佢好窩心叫我享受，咁我眼淺就喊出嚟喇！（個騷撞星夢總決賽？）係啊，我有諗過完騷趕去㗎，但佢哋做直播未必等到我！」
施匡翹喺場地影咗好多靚相。
而施匡翹就話想搞歌迷聚會，仲預告煮素菜畀歌迷品嘗：「我都有信心煮嘅，因為之前活動煮過啲評語都唔錯，所以下廚冇難度！依家成日走訪素菜餐廳，訪問佢地啲心得，聽聽埋埋應該都進步廚藝嘅。」
泳兒表示自己睇中個浴缸。
真係幾啱拍MV。