「喔喔喔，喔喔喔⋯我眼睛想旅行。」這一句常常在腦海迴盪，不過係杜汶澤版本。還有人專程於apple music上下載了阿澤的專輯。雖然碟中還有《合氣道》《開心到震 feat.黎明》，但最多人愛的應該都是《眼睛想旅行》。連旅遊時hashtag也有#眼睛想旅行。

早前杜汶澤已經完成了台灣高雄音樂節《大港開唱》的演出，當晚他的實在令人印象深刻。（杜先生呢個時候應該會講：X，講呢啲。）而《大港開唱》繼去年邀請了何韻詩及黃秋生任嘉賓外，今年亦有阿澤及酒井法子擔任壓軸演出。開頭以為出過唱片的阿澤，應該都幾愛唱歌，但估唔到杜汶澤話：「其實都係圍繞住自己成長到𠵱家有位置嘅歌，但係又要啱（個show）」（首本名曲吓話？）「咁其實點都有咩嘅⋯眼睛想旅行。」（幾耐冇唱過歌？）「我都唔唱歌嘅，最憎就係唱歌。我去親卡拉OK都係飮醉咗酒先會唱歌。」

説起當年出碟，杜汶澤笑稱係被迫：「我覺得我就唔係識唱歌嘅人啦，尤其是嗰時少不更時啦，出過隻碟。咁就成為我生命好大嘅污點，但係我又覺得冇乜遺憾。」而原來杜汶澤當初出碟做歌手，是由於黎明，更是機緣際會之間造就了這位「隱世歌手」。