陳百祥爆當年教路幫雷莊𠒇奪港姐冠軍 何依婷：好多謝叻哥佢
撰文：吳子生
出版：更新：
陳百祥（阿叻）日前在受訪時，自稱欠2017年港姐亞軍何依婷（Regina）一個公道，他指出在當屆選美比賽中為雷莊𠒇擔任軍師，硬撼由Do姐（鄭裕玲）教路的何依婷，最終雷莊𠒇勇奪冠軍，如果何依婷奪冠，現時仍在行內發展的她條路會更加易行。
何依婷感謝陳百祥多年後仍記得起她。（吳子生攝）
何依婷今日（17/9）現身電視城出席《SHOW出脫毒新作風》節目錄影。她受訪時表示也有看到相關報道：「首先我好多謝叻哥對我仲有印象先啦，話晒叻哥佢貴人事忙，而且佢又有好多朋友，我覺得佢可以記起我當年選美佢都有份做司儀，我係覺得係一件好開心嘅事嚟。」
何依婷今日出席節目錄影。（吳子生攝）
會否覺得自己原來是敗給陳百祥手上？何依婷說：「其實我又冇刻意去諗呢樣嘢，始終都過咗去，反而我係覺得叻哥記得我啫。（同雷莊𠒇有否聯絡？）大家都仲有聯絡，都有互相傳短訊傾吓偈。（佢嫁咗人未？）哈哈，呢啲你問佢啦，人哋私人嘢我唔方便講。（佢會唔會返港？）暫時我唔到佢有呢個可能性，不過將來嘅嘢係冇人知嘅。」