愛回家｜細龍太陳思圻爆遭前輩粗口問候 呂慧儀：開心受教唔會咁
撰文：吳子生
出版：更新：
張景淳自認細膽最怕蛇蟲鼠蟻。（葉志明攝）
呂慧儀（阿蟹）和張景淳今日（23/9）齊齊現身電視城出席無綫處境喜劇《愛·回家之開心速遞》之「秋祭野餐」宣傳造勢活動。張景淳表示踏入秋季就會想起野外露營：「其實好多人都叫我去露營，但自己卻偏偏就好驚蛇蟲鼠蟻，好怕一唔少心俾啲不知明嘅嘢咬親，怕手尾就長。其實本身我自己係一個好吸蟲嘅一個人嚟，就好似阿蟹佢咁，佢就好鍾意我喺佢隔離，等我可以吸引晒啲蚊埋身，然後等我餵飽晒佢，就唔使去咬佢。咁所以佢不知幾鍾意我喺佢隔離。」
呂慧儀和張景淳今日出席劇集宣傳活動。（葉志明攝）
另外提到前同劇演員「細龍太」陳思圻爆拍劇時被老前輩用粗口問候教做戲。阿蟹表示：「我冇睇過呢個新聞，咁所以我又唔可以評論啲乜嘢。不過好彩我身邊嘅前輩對我都係好好嘅，反而我覺得如果係開心受教嘅話，人哋唔會咁樣去鬧囉。」