TVB台慶|陳瀅曬玉背突圍 自言有肉地:大家接受就得啦

撰文:林迅景
出版:更新:

TVB《萬千星輝賀台慶》今晚(19/11)於電視城舉行,各個演員都盛裝出席,其中陳瀅身穿大露背裝,也是傳媒以及網民的焦點。

陳瀅肉背勁搶眼!(資料圖片)

陳瀅和周嘉洛接受《香港01》訪問時,陳瀅笑言自己衣着並不算性感。她說:「唔算㗎啦,幾密實呀今日,唔算唔算唔算。我見到(其他人)都不停𥄫女,代替大家𥄫女。今日JW、Kelly,同埋Yoyo都好性感。我好鍾意𥄫女㗎,一到event就好鍾意睇女仔着咩裙。男仔都鍾意睇,不過我鍾意睇女仔多啲,可以睇到線條。」

TVB台慶|陳瀅玉背勁搶眼令人垂涎三尺 女藝人另類造型逐個數

+22

陳瀅表示昨晚才收到長裙,她說:「我都唔知着呢條,所以我都係咁樣。廣大觀眾都見慣,我唔係偏瘦,所以大家接受就得啦。幫你講埋,有啲肉地係咪?幫你講埋,知你唔好意思。」同嘉洛也表示今晚陳瀅穿着很好,他說:「好好呀,我唔係好有(時裝)觸覺,但係overall大家都展現到美態出嚟。」