馬國明湯洛雯拍拖睇鄭伊健演唱會　曲線表白：准我一生也愛你一個

馬國明與湯洛雯（靚湯）自從公開認愛後，不時在社交平台甜蜜放閃，兩人感情穩定，馬明早前出席《無綫節目巡禮2023》時透露有計劃明年迎娶女友，早已過上同居生活的他們更被搬屋公司曝光愛巢，雖然馬明同靚湯日前出席《萬千星輝賀台慶2022》時承認的確有意明年正式拉埋天窗，但就希望外界給予更多空間，並指有消息一定會公布。愈愛愈高調的馬明同靚湯，日前就一起到紅館睇鄭伊健的演唱會，馬明在社交平台Post出合照，更憑歌寄意，向靚湯表白！

相中所見，馬明同靚湯打扮低調，兩人都戴着口罩，而鄭伊健就站在他們中間，靚湯更大擺V字手勢，心情大靚！值得留意的是，馬明還Post出一張伊健在台上獻唱《一生愛你一個》時的照片，恰巧歌詞是「准我一生也愛你一個」，不少網民都笑言伊健唱出了馬明的心聲：「曲線放閃」、「閃盲了」、「憑歌寄意」！