東張西望丨麵檔師傅除罩食煙煮麵衛生存疑　仲「擔住支煙」不停吸

近日疫情數字上升，今晚《東張西望》關注九龍城一間食肆衛生問題，指麵店師傅在煮麵期間不但拉低口罩，還「擔住支煙」不停吸，令人擔心細菌傳播及煙灰會飛落湯麵內。《東張》主持亦有到麵店了解，見到有食環署職員巡查及提醒員工配戴口罩，期間訪問了疑似煮麵師傅，但對方否認是片中人。

另外，接獲一宗大埔原居民兄弟為起屋及潛建問題起爭執，投訴人張先生和張太太指12年前獲家族分地起屋，但電錶箱及清水渠位疑被大哥霸佔，片中見大哥用力踢圍欄，並揚言要拖足2年才清拆：「我留佢兩年，現在嗰度我唔會郁，一顆螺絲我都唔會郁，你要搵人拆就叫政府出清拆令，就係咁簡單！」疑為大嫂大叫「唔好行過嚟我屋企」！《東張》曾致兄大哥了解，但對方拒絕回覆，反問：「我點解要回應，小姐（主持人）你諗住幫人要明白整件事先。我無需要向任何解釋。」

張太指間屋已起好兩年遲遲未獲發入伙紙，時間損失好重要，地政署曾建議他們同電力公司申請另一個電箱信，但張太認為要重新拉過屋內電線更費時失事，希望政府能正視問題。