雯雯面臨債主追債兼養家壓力終爆煲：撐唔住　一個畫面令網民心酸

張致恒（Steven）與老婆區燕雯（雯雯）於2019年奉子成婚，結婚至今育有3名兒子，但去年在最細兒子未滿一歲時，雯雯已周期性嗌離婚，被網民戲稱做「離婚界KOL」。雯雯曾多次在IG上大呻Steven「又廢又懶」兼疑似發表離婚宣言。由於Steven孭住一身債務無法償還，雯雯自爆一家已陷入經濟拮据的困境，就連小朋友返學的車錢都成問題。她表示自己會為了照顧3個仔仔以及3隻狗狗而努力，早前就正式開設網店做生意賺錢養家。可是她日前卻因被債主「奪命式」追債而公開鬧爆債主：「「如果你騷擾我屋企，我真係會同你死過，我乜嘢都唔驚，我而家只係得命一條！」

昨日雯雯突然於IG story出黑底白字post寫道「撐唔住」疑似己受不了現時的生活狀況，令網民擔心，有網民就留言為她打氣加油，叫她要堅強撐住。雯雯又透露仔仔輪住病：「屋企有小朋友就係會連住病...已經差唔多維持左成個星期，朗朗晚晚咳到瞓唔到，牧牧一到夜晚就發燒，寶寶暫時守得住。」並post了仔仔要吃一大堆藥的照片，令人心酸，做媽媽果然不容易。