胡曦文鍾情收藝術畫作 呻走漏眼一年升值過百萬：幅畫本身十幾萬
撰文：吳子生
出版：更新：
商界女神胡曦文（Christy）今日（25/5）現身尖沙咀出席藝術品展覽。Christy透露過往都有收藏不同有升值潛力的藝術展品，尤其鍾情畫作：「我好記得以前有一次行畫廊嘅時候，見到一幅畫好靚，但我係冇買到。本身幅畫十幾萬 ，點知唔夠一年狂升到百幾萬，知道之後梗係有啲失樂，機會喺眼前，竟然自己走漏眼。」
胡曦文透露有收藏藝術品興趣。（梁碧玲攝）
她續說：「不過而家我買呢啲藝術品之前，我係會同人哋唔一樣，我係會問一啲專家意見，我係會俾個作品嘅主人嘅名佢，請教佢哋，因為佢哋對全球嘅藝術品嘅走向一清二楚，而且會知邊啲藝術家係得，邊啲藝術家嘅作品唔得，佢哋連咩價錢都清楚知道，咁所以每次請教佢哋實唔會有咩失手。」
胡曦文現身尖沙咀出席藝術品展覽。（梁碧玲攝）