【英超.路斯一分鐘球評】雙紅會交出精彩白卷 真正贏家是藍

撰文:
最後更新日期:

話當年時間。以前每逢「雙紅會」,電視台賣重廣告,成班友約埋一齊睇。近幾季曼聯同利物浦互有起落,大戰氣氛減弱。

呢個時候,「雙紅會」突然變成榜首大戰。衰咗好幾年嘅曼聯愈踢愈順,遇上今季諸事不順嘅利物浦,雖則0:0,但係打得激烈,總算唔係深夜X波。

兩支球迷最多兼最大聲嘅球隊相遇,齊齊守強攻弱。紅軍一對中場變中堅,中場技術型掛帥,同紅魔喺中圈附近大亂鬥,波到人到,搶到唞唔到氣咁。

無入波唔等於冇嘢睇,兩隊中場搶奪,火花四濺。(路透社)

運到波上前線,三叉㦸愈踢愈孤軍作戰,欠缺支援。撞啱曼聯中後場防守,經過半季歷練同各界問候,近來終於生性。防線之上人人有料到,「8000萬鎊先生」完全走塑、連迪路夫關鍵Block shot、雲比沙卡雖然內收過多但幾乎助攻,最勁係「碌梳」。上上落落,將TAA留在禁區線以外,守到沙拿無計,落後幾個身位狂追仲可以波都搶埋,呢個肥仔其實係咪艾夫拿假扮?

雙紅會球證判決又有爭議 補時不足扼殺利物浦反擊機會

梳爾勁到難以置信。(Getty Images)

+5
+5
+5

雖然控球同射門都少,但曼聯穩守突擊,中龍次數更多,未計慈善球王福仔一再推入死位而自行瓦解攻擊。普巴明顯有返工,唔係艾利臣神救,已經做英雄,續約可以叫高幾蚊。蘇B賽後夠膽講贏唔到「唔抵」,信心都返晒嚟。

普巴抱頭:「搞錯,咁都唔入!」(路透社)

曼聯頂得住,快車之後繼續排第1。曾經橫行無忌/聞風喪膽/話入就入嘅利物浦,連續3場無波入,跌到第4。今年英超如果咁都未夠瘋狂難捉,提埋大家曼聯個榜首仲未坐穩,因為曼城磨吓磨吓,連贏5場升上第2,落後兩分仲要踢少1場。頭6名球隊,只差5分。

高普對球證提早吹雞大感不滿。(路透社)

英超第19輪戰果(按圖放大):

+2
+2
+2

【英超.路斯一分鐘球評】

少帥的祈禱 要3連勝還是華拿說明書?

聖誕過後凶鈴不斷 半夜失球心很累

3場不勝打回原形 熱刺響起聖誕「鬧」鐘

周中夜驚魂 榜首紅白戰開動聖誕快車

英超第19輪直播賽程(按圖放大):



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。