《三個女人一個「因」》又被抽　黃智雯灰心：演員係用盡100%努力

《三個女人一個「因」》這套劇真是多災多難，拍完差不多一年，預料今年會上映，怎料早前被十年前倉底貨的《蘭花刼》搶位播出，那時已經感到十分嘩然。到早前以為終於等到在《超時空男臣》播畢後可以出街，怎料突然殺出家燕姐的《燦爛的外母》，這套劇五月才開拍，八月就搶閘播出，皆因親子劇要食正暑假檔期，結果《三個女人一個「因」》又要讓路，出街日子遙遙無期，真是聽者唏噓！

作為該劇男主角的袁偉豪，在接受《香港01》訪問時坦然不清楚為何有這樣的安排：「依啲嘢公司安排喇，應該公司都係想擺個更幾好嘅時段播啫。我自己都希望拍作嘅作品可以快啲出街喇，始終時裝劇如果過多一兩年啲嘢就會唔update，播出嚟就無咁好睇喇。」雖然自己做男一的劇集被二段抽起，不過並未有因此而感到不開心。但其實《三個女人一個「因」》和《燦爛的外母》一樣都是時裝劇，論時效性其實都同樣迫切，《三》就拍畢了一年都未出得街，相反《燦》就即拍即出，的確令人懷疑《三》是否已經變成倉底劇。

至於劇中女主角黃智雯則說：「其實我一直都無收到通知呢套劇（《三個女人一個「因」》）幾時播，所以抽唔抽起我就唔係好清楚，因為呢啲編排通常都係差唔多宣傳先知幾時播，我都無收到通知。當然想快啲播喇，呢套劇係一個好有發揮嘅角色，同埋一班演員都係用盡100%努力去完成，希望觀眾可以睇到呢套咁好睇嘅喜劇。」連劇中的人都不清楚，我們這些觀眾當然更加不知道無綫高層的想法了。