【三生三世】小辛安悅溪3劇暑假排住上 新劇扮外星戰士有正評
撰文：何志衡
出版：更新：
可能要播三世嘅《三生三世十里桃花》人物眾多，劇中好多角色都因為呢套劇而走紅，而近期備受注目嘅係劇中飾演少辛嘅安悅溪，除咗《三生三世》之外，剩係今個暑假都有3套劇由安悅溪主演，相信好快會在內地竄紅。
安悅溪喺《三生三世》演巴蛇，網民讚她演出比之前其他作品好。
28歲嘅安悅溪樣貌標緻，係北京舞蹈學院音樂劇系畢業生，2013年開始拍劇及拍電影，喺劇集《三生三世》入面本身係一條巴蛇，被白淺（楊冪飾）救回一命後變成人，之後愛上天君二皇子桑籍（王若麟飾）。安悅溪喺呢套劇演巴蛇，而佢喺成名作《花千骨》飾演嘅糖寶本身係一條蟲，唔通呢啲角色特別旺佢？
入行短短4年，《三生三世》已經係安悅溪第12部劇集，當中包括3齣網絡劇，而喺今年暑假更同時推出佢主演嘅3部網絡劇，其中一部《紅門兄弟》有香港人熟悉嘅李子雄同莫少聰主演，係一套講消防員嘅勵志故事。
+27
上一齣劇集《花千骨》中安悅溪是一條靈蟲，後來化身人類。
另一部《鎮魂街》係時裝奇幻劇，改篇自內地連載漫畫，男主角江東城同安悅溪喺平行世界中捉妖除魔，《鎮魂街》上星期開播成績唔錯，有內地網站調查結果顯示呢套劇佔播放量排行榜第2位，越嚟越多人留意到安悅溪嘅演出。
第3部係科幻古裝喜劇《顫抖吧，阿部！》，雖然係古裝，但講述安悅溪其實係外星戰士，意外下墜落地球嘅古代唐朝，被逼附身喺唐青葉身上引發一連串趣事，網友評論都幾正面。
新劇《鎮魂街》同江東城一齊斬妖除魔。
雖然安悅溪出道比較遲，28歲至開始走紅，但網民似乎好受落，繼3齣網劇都做女一之後，相信會好快擔正電視劇或電影，暫時睇住《三生三世》先囉！
安悅溪喺《紅門兄弟》拍住李子雄同莫少聰，係佢3部新作中唯一一套時裝劇。
喺《顫抖吧，阿部！》中安悅溪係外星人，超多扮相！
安悅溪較為人熟悉嘅都係古裝劇，其實時裝造型都好靚。