蔚雨芯睇新樓唔幫襯 地產經紀竟然公開對話紀錄公審?

撰文:陳浩賢
出版:更新:

上車置業是大部分香港人的夢想,所以每逢有新盤開售,總是人頭湧湧,大排長龍,仿傚「執輸行頭慘過敗家」,而近日地產界甚多人談論的荃灣西項目《全.城匯》,不但吸引到普羅大眾,連藝人蔚雨芯也現身睇示範單位,莫非準備上車做業主?本來有能力買樓是開心事,但近日討論區卻有地產代理開Post,指責蔚雨蔚睇樓後,最終卻幫襯了其他地產代理。

蔚雨芯跟經理人文滌到荃灣西睇全.城匯示範單位,但純粹參觀性質。(視覺中國)
全.城匯開售是地產界盛事,不少市民排隊入票。(網上圖片)

該篇帖文話蔚雨芯和經理人在星期二到「全.城匯」參觀示範單位,期間表示有興趣三房單位,亦有傾過按揭及回佣問題,至星期四可以正式入票登記,但當地產聯絡對方時,對方回覆星期五、六不在港,直至星期一經紀聽聞蔚雨芯已幫襯了其他經紀,而再聯絡對方時,收到回覆指已處理好,其後更被Block了電話,而該名經紀甚為氣憤,在網上公開雙方的對話Whatsapp紀錄。不過該Post曝光後,網民卻紛紛送上負評,留言「個客唔幫襯就發窮惡」、「做Sales有跟過唔係100%保證有生意」,甚至內文有簡體字,欠缺蔚雨芯的相片,也受到網民抨擊,以為開Post公審,想不到卻負評如潮。

地產經紀Post文指責蔚雨芯睇樓冇幫襯全文:

地產經理公開對話內容及蔚雨芯的真名,但被網民笑cap圖聽錄音。(網上圖片)
Whatsapp內容中確是問過樓盤相關內容,但就冇講過一定會買。(網上圖片)
該名地產經紀懷疑蔚雨芯幫襯了行家,即Post文上網公審對方,想不到反被網民恥笑。(網上圖片)

蔚雨芯的經理人簡文滌,接受《香港01》訪問,他表示當日有去睇過示範單位,但最終沒有入票,「純粹睇下之嘛,冇乜特別嘢,最後梗係冇買啦。當日咁啱係荃灣睇緊舖,經過望見咪入去睇下囉。(知唔知網上被人攻擊?)有人同我講過,我冇理囉。嗰個sales嘅操守問題,有冇牽涉私隱問題呢?咨詢其他友人嘅意見,唔一定要幫襯,第一我地又冇簽約,只係禮言相向,話「有興趣搵你啦,返去諗諗先」,唔構成一定要幫襯佢去買,唔幫襯就公佈人哋嘅私隱,呢樣嘢係佢嘅問題囉。」

蔚雨芯不但在內地拍劇,在無綫新劇《再創世紀》亦有演上一角。(網上圖片)

無端被擺上網公審,蔚雨芯知悉後都有點不開心,但在經理人開解下,亦明白「作為藝人,預咗有時會俾人利用,但我都叫佢唔好理。(蔚雨芯還有否買樓意欲呢?)每個人都想上車換樓,佢同屋企人都有咁諗,但始終都係私事,唔公開講啦。」經理人文滌強調做地產又好,賣車又好,但「做唔成單生意,都唔應該去攻擊人囉。」其實大家也知道地產競爭激烈,但生意不成仁義在,保持良好關係,或者將來仍有生意可做,現在一下子跟客人鬧翻,未免過於短視。