【後生仔傾吓偈】Ocamp獸父豆腐爸爸　組仔囡收短訊兩個版本

除了大學五件事，O Camp迎新營絕對是莘莘學子上大學必做的事，話明是迎新營當然有俗稱「組爸、媽」的學兄學姐擔任組長，帶領新生融入大學環境，但組爸媽挑選組仔女時，往往以外貌先行，更有「獸父」專追組女，究竟現時的組爸媽點湊仔囡，今集《#後生仔傾吓偈》就有一班大學生大爆組爸媽帶camp內幕。

要搞一個好的Ocamp，除咗有好的搞手外，好的組仔囡亦都好重要，但是怎樣先可以揀到質素好的組仔囡呢，原來Reg Day就是兵家必爭之地。來自城大的Sandy指：「我以前玩的一個Ocamp的組仔囡唔係平均分配，而是Bid組仔囡回來，例如每一個宿舍的組爸媽有底薪一萬元，一班參加迎新營的新人就會比組爸媽bid，價高者得。」她又指：「有一班特別靚仔或者靚囡的新人會被標籤，依班人就平均分配，費事成組人都太型太靚。」不過有時太靚的新人未必是好的組員，因為她們有時為了保持形象，很多遊戲都不會玩，例如玩水時會因為弄髒自己的妝扮，就稱月經到身體不適，令到一眾組員預她不玩。

講到Ocamp最怕的當然是有獸父出沒，Polyu的Vitas指出：「點解會有獸父二字呢，他覺得是因為獸父們會對異性摸手摸腳。」他再說網上流傳有一名獸父，他傳給組囡和組仔是兩段訊息，例如對組仔說：「明天記得帶嘢，早點瞓，聽日見，拜拜。」對組囡則是另一個版本：「今日辛苦晒了，唔知你今日開唔開心呀？有心事可以同我講返喎！而他的名子就是豆腐爸爸。」自此之後，當有組爸就在Ocamp中相識異性，就會被稱為獸父。

至於馮盈盈又爆料指：「我哋果陣時有個Ocamp係夜晚鋪好床係廳大集亂咁一齊瞓！而當時因為唔夠位，我隻腳係疊係唔知邊個嘅身上面瞓！」聽到她咁講，佢玩果個Camp都幾混亂下。