鄧佩儀背部受傷停工3個月　痛失拍台慶劇《誇世代》機會

由溫哥華回流返港參選華姐而入行的鄧佩儀（Gloria），有一副標緻臉孔近年成為了力捧小花，演出機會不斷，就好似早前4K重頭劇《不懂撒嬌的女人》，雖然她不是擔正，但她獲得網民留意。可惜她早前參演網劇《降魔的番外篇-首部曲》時，更因為吊威也而造成背部韌帶撕裂，其後煞科戲更要帶傷上陣。演出時她更需要慢動作走動。其後有傷在身的她更因此而需要辭演TVB大製作《誇世代》，並由江嘉敏頂替，可是她就此錯失一個參與台慶劇的機會。

日前（10月8日）TVB節目《TVB 50週年 華麗轉身 邁步同行》中，鄧佩儀也有出席。她接受《香港01》訪問時說：「我嗰時差唔多每間隔1，2日就做一次物理治療。差唔多40次都有。」在香港生活的都知道「香港地咩都貴」。衣食住行之外，如果不幸受傷入院，醫療費用更是昂貴。鄧佩儀表示，幸好這次公司有幫她購買保險。「今次公司個份係全保，我做物理治療全部都包。我都差唔多休息咗3個月。」

談到之後的工作，她就說：「近期都開始忙緊《再創世紀》，入面仲有幾幕係火場戲同困𨋢戲，我好期待㗎。」原來她在受傷治療3個月停工治療之後，現在鄧佩儀已經完全康復。「公司對我好好，一好返就即刻開工，其實我已經準備好再搏殺。醫生都話有啲人仲好得好啲，3個月算慢㗎啦。」唉，所以話演員都係表面風光咪咁解囉。有時為咗1個靚啲嘅鏡頭就要親身上陣吊威也。真係拍套劇都有血有淚。