原來唔止《親愛的客棧》 連《青春旅社》都好似《孝利家》
撰文：鄺鈺瑩
出版：更新：
繼《中餐廳》後，湖南衛視又再推出自家製真人騷《親愛的客棧》，節目由歌手劉濤連同老公王珂，一齊去到少數民族地區，用20天的時間開一家客棧，期間除有三位固定藝人做客棧員工之外，每集亦會有神秘嘉賓。另一邊廂，東方衛視嘅自家製真人騷《青春旅社》，亦係搵一班藝人分別經營兩間旅社，並且接待來自五湖四海嘅遊客。
用藝人打理民宿為賣點嘅真人騷，韓國JTBC嘅《孝利家民宿》（下圖）係先驅，湖南衛視同東方衛視照辦煮碗打造出《親愛的客棧》同《青春旅社》，奈佢咩何？
闞清子同紀凌塵時刻都在放閃，搞到易烊千璽勁唔自在。（影片截圖）
既然兩個節目性質都咁似，主持／嘉賓點都唔可以輸，《親》除有劉濤夫婦之外，亦搵嚟曾演出《新還珠格格》嘅闞清子以及其男友紀凌塵，兩人在節目中不時實貝、老公亙稱，跟最近宣告回復單身嘅另一客棧員工陳翔相比，完全係天堂與地獄，不過，亦正因為陳翔分手事件，令節目關注度大增。《親》首集神秘嘉賓TFBOYS成員易烊千璽。
陳翔最近因同毛曉彤分手一事，繼而被拍曾遭抓姦在床。節目下期預告就只係剪咗陳翔落淚鏡頭，而未有交代係咩事，擺明叫觀眾準備追看。
TFBOYS貴為當紅組合，加上易烊千璽甚少參演綜藝節目，本以為勝算在握，但勢估唔到《青春旅社》，亦都搵到TFBOYS成員王源參演，再加上社員由藝人李小璐、景甜、到模特兒何穗、以至主持人界別嘅李靜都有，淨數人頭都多過《親》，加上年齡層由70到00後，觀眾層面更廣。兩個節目昨晚同時段播出，網絡平台騰訊視頻亦都可以收看，論點擊率的話，《親》暫時以3千萬略贏《青》2,700萬，但由於王源係《青》固定主持，加上佢喺節目中非常賣力，所以話唔定隨時會跑贏。
汪源喺《青春旅社》中，為吸引客人入主，又唱歌又搬行李，非常賣力。（影片截圖）
《親愛的客棧》選址四川鹽源，出入都要坐船。《青春旅社》就去到中國四大避暑勝地之嘅莫干山拍攝。