陳嘉倩唔做主播染紅髮 接受商台訪問自爆:佢地唔俾有外界接觸

撰文:溫菁莉
出版:更新:

上月29日離開無綫後的陳嘉倩最近宣佈會在港台主持氣候及環境資訊節目《大氣候》,雖然觀眾少了在電視機上看到她,陳嘉倩就頻頻接受訪問,日前她就接受商台《903格訪客》訪問,更以全新造型示人,不是在服裝上有變化而是染了一頭紅髮。陳嘉倩更提起第一日入職的過程,其中最記得就是公司有人向她說,「你唔係一個明星,唔希望你會成為新聞上的主角,所以佢地唔俾有任何外界接觸。」

大家可能睇慣了黑頭髮的陳嘉倩,其實她現在已染了一頭紅髮。
+17
嘉倩BB從小就立志做記者!

嘉倩BB指公司認為新聞主播要保持形象,所以好多時候造型上都非常嚴謹,「唔可以染黑色啡色以外的頭髮,因為要端莊,儀容上都要保持低調。因為若果有醜聞出現,就沒有人相信我們的說話。」因為陳嘉倩因其好pure的樣子成為近年備受網友力捧,而節目中主持人亦提到了近年主播有明星化的趨勢,她就指自己無參加過任何校花的選舉,「嗰陣有個朋友就話佢有個記者朋友,想揾一間大學入面靚仔靚女做一個訪問,分享下趣事,點知出左黎就變左校花。」她認為主播其實唔係外界想像中咁花樽,「唔係你set好嗰頭化靚嗰妝,坐定定讀,要事前準備功夫,你讀稿嘅流暢度,有無懶音,同埋突發事都好考主播臨場應變功夫。」但嘉倩BB就話其實都開心有人留意自己的儀容,「咁起碼無白費,每日花咁多時間去化妝呀,揀衫呀咁。」

自小夢想就是報導社會的不公義,所以選讀傳理系的陳嘉倩指,「當然畢業後希望做傳媒,記者,主播。無特別話想做一個明星。本身想做前線記者,每日可以更加接觸到社會上的事情,但就因為記者無公開招聘,所以就加入了主播行列。」她透露有試過應徵報館的記者,「但奈何間報館有啲遠,電視台待遇比較好,尤其係免費電視台多人睇。」

著起和服的嘉倩BB,好kawaii!

當初由NowTV轉到無綫的陳嘉倩於訪問中透露,當年是無綫主動找她過檔,亦講出了當年轉工的原因,因為待遇好而且有更多人認識自己。但入到無綫半年後就發生了佔中事件,她表示當時負責做了兩個小時的報導,覺得好難受,更指當時控制聲線,不可以抖震和帶有任何情緒,要以一個敍事的態度去報導。 而當時發生七警案令不少無綫新聞部的同事都選擇離職,有份聯署給管理層公開信的陳嘉倩就選擇留下來,但認為以前傳媒業比較自由,明白了現時每間公司都有關注的重點,不可能想點寫就點寫,多了制肘。