校園音樂劇《隔籬絲打勁好打》 阿檸︰過程好似去O camp咁青春
「做人無夢想同條鹹魚有咩分別？」的確，在香港談夢想似乎有點遙不可及，商台《毒檸王國》節目主持阿檸、Oscar今年暑假就挑戰新搞作音樂劇《隔籬絲打勁好打》school tour，來到今天仍進行中。希望透過音樂劇教導年輕人如何在追夢過程中面對各種困難和壓力。阿檸表示這個年代有不少關於夢想的劇目，「以往嘅劇目講夢想可能都係好熱血地追夢，終有一天會追到。但今次我哋追夢嘅時候都發覺有些現實因素不能夠忽略，係追夢過程中必須要面對無咁理想嘅事。」
攝影：江智騫
小學的時候無論上甚麼課堂都會提及到「夢想」這個詞語，有人會幻想話「我想做警察」、「想做老師」，可惜隨著大家年紀和經歷越來越多，漸漸明白到現在的社會是殘酷的，而這些幻想早已被現實這魔鬼吞噬。在今次訪問中，阿檸、Oscar 以及音樂劇女主角Regen張惠雅都不約而同講起組合Supper Moment的歌曲《無盡》這首歌，他們笑言實在太喜歡這首講夢想的歌，因為你在香港講夢想就真的是「踏上這無盡旅途」。
阿檸表示希望大家不要忘記自己已經生活在夢想裏面，「即使個個已經變成你嘅工作，你充滿生活感，可能感到好攰,每日都好辛苦。但嗰樣嘢依然係你最初想做個樣嘢，其實已經好珍貴。」而Oscar直言他們都是幸福的人，「第一個夢想達成只不過時拎到入場卷，拎完之後就會消散失散，你就要去拎另一個夢想。」他和阿檸都表示想用創作去做夢想，這個夢想似乎已經達成，因為他們不時都有在電台節目中廣播劇寫劇本。現在還有甚麼夢想想做呢？Regen希望可以當上背包客，「用自己一對眼同雙腳去走遍世界，自己年紀都唔細，追夢都追左一段時間。其實追夢好困難，唔係好盲目地去做一定會做到。」
至於阿檸就想組織家庭，「因為覺得自己花了好多時間在工作上面，但係去到工作最後的成績都係想擺返係自己。如果嗰工作係可以養活到你和你的家人。」他笑言現在一切都尚算好順利，「所以就諗結婚。(而家嘅感情生活？) 係零 。」Oscar的夢想竟然是歸園田居並笑說，「我細細就好懶惰，唔想過office hour，係屋企寫嘢做下freelance，過下日晨咁。其實而家都好貼近，係屋企創作下返工時間唔算長，希望將來好舒服嘅地方做下嘢就有錢咁。」
今次《隔籬絲打勁好打》是由同學們一手包辦，無論是創作還是劇本、連燈光、服裝到歌曲。同樣都是音樂劇新手的阿檸和oscar，及Regen都大讚一班同學仔好專業，阿檸指往年他們節目都有在暑假舉行過活動，「有時候係廣播劇，今年就望招攬一班同學仔返黎過渡一個暑假，就係搞音樂劇，希望營造一班人去完成一件事嘅感覺好似O camp咁。」今次以「夢想」為主題的原因都是同學仔嘅idea，Oscar表示︰「有嗰同學就講了『成長的現實』，大家聽完都好有共鳴感。其實而家資訊好發達，佢地好瞭解嗰世界，知道電視或者歌曲，睇卡通片，講嘅追夢，同係香港嘅社會俾你追夢嘅嘢其實兩樣嘢黎。」而音樂劇女主角Regen都首次挑戰校園巡迴音樂劇，最擔心的是無時間準備，「開頭我真係無放到咁多時間，好驚影響到佢地，演出過一次，而家心情就無咁緊張。」
今次音樂劇以「夢想」為主題的原因都是同學仔嘅idea，他續道，「有嗰同學就講了『成長的現實』，大家聽完都好有共鳴感。其實而家資訊好發達，佢地好瞭解嗰世界，知道電視或者歌曲，睇卡通片，講嘅追夢，同係香港嘅社會俾你追夢嘅嘢其實兩樣嘢黎。」至於音樂劇女主角Regen都首次挑戰校園巡迴音樂劇，最擔心的是無時間準備，「開頭我真係無放到咁多時間，好驚影響到佢地，但之後演出過一次，而家心情就無咁緊張。」最好笑一定是原來有好多同學仔都係hotcha的粉絲，連Regen都忍唔住自嘲話，「我嘅出現係喚醒佢地童年嘅回憶！」
生活是自己的，你會話談夢想的人是痴人說夢話，但若過不努力去嘗試和追求又怎知道有沒有結果呢，大家最後可能在現實中這裂縫中完成自己的夢想。