【TVB台慶50周年】華姐冠軍余思霆中百萬巨獎:可以喪買波鞋

撰文:郭敏玲
出版:更新:

唔知大家睇完TVB 50周年台慶有咩感想呢?不論膠又好、悶又好,今次最開心肯肯定是應屆中華小姐冠軍余思霆,因為她抽中了台慶終極大獎,有一百萬獎金獎品之外,還有三十萬免還款信用卡,碌乜都得。初到TVB報到嘅佢,絕對係行好運。

問到余思霆,佢覺得自己好好彩:「真係冇諗過呀!因為諗住玩下,之後就中獎,真係好lucky,希望我可以lucky多50年。」好似有顆熱熾的心再留喺TVB 50年,好似汪阿姐咁喎!咁多獎金獎品又諗住點用?余思霆就話:「一時之間未諗到呀!可能分啲畀屋企人。」熱愛Air Jordan波鞋嘅佢,會否藉30萬免還款信用額喪買?余思霆都靈機一觸話:「都好喎!(而家有幾多對?)都有40幾對喇,塞滿個櫃都唔掂。」希望她有信心衝破100對。

余思霆真係好lucky,中咗獎可以任碌卡。(陳順禎攝)

余思霆今次打算長遠在香港發展,未來佢會拍新劇《好日子》:「同邊個拍、有咩對手未講得住,但自己都有唔少戲。不過自己喺香港之後,每半年都會返new york探屋企人。(咁男朋友呢?多嘢做會唔會少咗見?)OK喇,而家都冇咩問題。」

余思霆有可能用個30萬買波鞋。(陳順禎攝)
+3