【降魔的】郭展明同徐步高有咩相同之處?黃子恆:佢人生係咁黑暗

撰文:黃梓恒
出版:更新:

《降魔的》裡面,由黃子恆飾演的警員郭展明,在劇中是一個十分難與人相處,而且做事相當執著的人,將來甚至因為衝動而令到自己警察都做不成,有不少網民都說他是一個魔警。講起魔警又怎能不聯想到香港也出現過一個真正的魔警徐步高,原來根據消息,郭展明這個角色的確有影射徐步高。

郭展明將會在這個星期徹底成魔。(劇照)

當年的徐步高,2006年在行人隧道中被警員擊斃,事後調查發現徐步高總共殺死了兩個警員和一個銀行警衛,更參與過銀行劫殺案,所以當時香港媒體給了他「魔警」這個稱號。其實在事件未被揭發之前,徐絕對稱得上為一名熱血警員,因為成績優異,更曾接受警察官方刊物《警聲》訪問。不過他死後就被發掘出很多黑歷史,包括多個不明來歷的戶口、有賭波、上內地尋歡、有跟蹤親中政圈人士及監視解放軍的記事等等,所以不少人認為他有雙重性格。

當年徐步高上過亞視的《百萬富翁》。(電視畫面)

究竟《降魔的》裡面的郭展明是否有參考徐步高這個人呢?《香港01》找來飾演此角色的黃子恆(Hugo)來解話,他說:「我覺得同徐生係有分別嘅,我個角色係由細俾壓抑下成長,佢小朋友嘅時候唔係一個壞人,佢唔係要害人,但佢好想保護自己,因為佢講過做警察係唔想再俾人蝦,同埋最緊要一樣嘢,佢唔會對付同袍。」雖然話有分別,不過觀眾們就未必搞得清郭展明和徐步高這兩個人的內裡性格,其實郭展明又是一個怎樣的人呢?

黃子恆就表示唔係太似。(林通賢攝)

Hugo指出其實展明也不是一個好人,而且十分自我,他說:「因為佢兒時喺好差嘅環境成長,佢唔係一個思想健全嘅人,所以我除咗睇戲,我都會睇啲社會上有相關背景嘅家庭,或者呢類嘅寫實故事。呢個角色唔係一個好人或者壞人,因為佢嗰種正義,佢對錯事或者壞人會想平反同埋捉嗰啲人,但係佢都唔係一個好圓滑嘅人。佢係無朋友,同其他人合作唔係,佢已經唔算係一個好人,喺待人處事方面。我覺得佢係心理唔好係好平衡,先會做啲咁極端嘅嘢,佢只要覺得嗰個人係錯,佢就會不擇手段去懲罰佢,唔理個方法係啱定錯,或者佢想得到一啲嘢都係無論點都要得到,我覺得呢啲唔係一個好人應該有嘅態度。最後因為芷若(黃智雯飾)對佢生命中好重要,即使佢哋唔係情侶,但都唔想佢俾人搶走,所以佢真係唔係一個好人,哈哈。」

展明在劇中也有玩弄感情的時候。(劇照)

這個角色是很被人討厭的,他因為小馬(馬國明飾)有意追芷若,於是他便從中破壞,即使成魔也在所不惜,他說:「我做功課嘅時候,覺得呢個人(郭展明)係好直接,佢唔鍾意一個人或者唔滿意嗰件事,佢會即刻擺上臉,佢會好快咁表現出嚟,話你知佢唔滿意你。其實現實生活好多時都唔會做到,你不能夠喺公眾場合覺得一件唔啱嘅事就即刻黑面架嘛,但呢個角色可以。所以嗰段時間會俾人覺得我成日黑面,點解成日都唔出聲,呢個時間就係我投入緊個角色,希望身邊嘅人唔會覺得我乞人憎。無辦法架,郭展明呢個角色本身就係一個好乞人憎嘅人,由細到大都無朋友,只有莊芷若(黃智雯飾)由細細個開始一齊長大嘅唯一一個朋友,佢嘅人生就係咁黑暗。」展明的性格內裡原來如此黑暗,徐步高當年也因為暗底裡的事而被放大為雙重性格,其實他兩個人也有一點相同,最終亦是走上成魔之路。

佢兩個最終有咩對決呢?(劇照)
+5