【獨步天下】林峯賀突破20億點擊 hehe擁吻勁尷尬
撰文：鄺鈺瑩
出版：更新：
今時今日，慶祝高收視已經唔係開香檳咁簡單。（影片截圖）
由林峯﹑唐藝昕主演嘅古裝劇《獨步天下》，改編至同名小說，故事背景主要講述女真部落努爾哈赤兒子們的鬥爭，與集中在女真第一美女東哥（唐藝昕飾）身上。不過劇集播出期間，唔少網民都因為key頭﹑PS痕等低成本的效果而表示想棄劇，同開播之後大家都寄予厚望的反應差距甚遠。
劇中林峯同唐藝昕先係一對。（網上圖片）
46集嘅《獨步天下》前晚終於播晒，總點擊率20.2億，雖然唔算好好，但總叫有個交代，林峯同另一男主角張睿馬上拍片感謝觀眾支持：「首先非常感謝支持我們電視劇《獨步天下》的所有朋友，我們電視劇已經破了20億，所以今天我們一點不輕鬆，因為我們要兌現我們諾言。」張睿就話自己心情沉重，因為是他們人生中的第一次，林峯問完：「準備好了嗎？」後，隻手輕放在張睿頸後，塊面就慢慢靠近，最後兩個肉嘴緊貼在一起，並送上深情抱抱……錫完之後，林峯看似十分難受，而張睿就好尷尬，但都不忘補番一句「謝謝大家支持。」對於呢一個ending，網民都似乎非常滿意，更笑言比劇集正式的結局更為好。以林峯今時今日的地位，如果劇集在香港有好成績，佢又會唔會肯咁做呢？
林峯為《獨步天下》剃頭，令唔少人都對該劇有所期待，但低質key頭、PS效果，令劇集收視十分低迷。