【紅薔薇】陳曉婚後狂賺奶粉錢 新劇同楊子姍一見就吻

撰文:鄺鈺瑩
出版:更新:
陳曉於新劇唔做暖男做革命黨黨員,佢話由於爸爸媽媽對謀戰題材特別感興趣,所以呢個都係佢接拍《紅薔薇》原因之一。(網上圖片)

無綫熱播中的《那年花開月正圓》,隨着何潤東飾演的暖男角色吳聘離去,接下來將到陳曉默默守護住孫儷飾演的周瑩,雖然陳曉在劇中的男一角色反而不及男二的何潤東討好和受女劇迷愛戴,但對他的人氣並未有造成影響,因為陳曉自《那》劇之後,短短1年間已接連拍攝《火柴小姐和美味先生》、《獨孤皇后》、《陸戰之王》以及《紅薔薇》4劇,雖然話賺埋唔少,但為怕囝囝小星星唔認得自己,所以陳曉之前就話過要準備休息一段時間。

楊子姍於劇中由千金變為女特工,佢之前話同陳曉開工第一日就有吻戲。(網上圖片)

其實陳曉有唔少儲貨在手,所以就算小休,都唔需要太擔心,而其中一部新作《紅薔薇》今個星期就會播出,陳曉於劇中飾演表面玩世不恭富家子,但實際智勇雙全嘅革命黨黨員,遇上楊子姍呢位女特工之後,二人在亂世中互相扶持,成為真正的諜戰情侶。

由於《紅》劇嘅導演金曄同藝術總監鄭曉龍曾負責《羋月傳》同《甄嬛傳》兩部高質劇集,因而令《紅》劇被睇高一線,再加上楊子姍自《致我們終將逝去的青春》後主玫電影,難得演出劇集,又確係令人期待,而她與陳曉在拍攝的第一日便有接吻場面,不過,劇迷最想睇到嘅都一定係陳曉嘅多個西裝造型。

《紅薔薇》日前舉行記者會,陳曉缺席,原因係佢拍緊新劇《陸戰之王》,說好的休息呢?都係賺奶粉錢要緊。(網上圖片)
去年同陳妍希結婚之後,陳曉完全未停過,至今至少有3部劇集同1部電影待播中。
+1