霍建華曾與廖啟智合作 被對方一句話教曉做戲
撰文：鄺鈺瑩
出版：更新：
智叔於《怪俠一枝梅》中飾演霍建華的師父。霍建華記得有場戲需要智叔一直跌倒，拍咗20幾小時都無講過一句話辛苦，令佢十分佩服。（網上圖片）
人稱智叔的廖啟智，多年來醉心於演戲工作，演技不但得到觀眾、演員以至導演的認同，更多次獲金像獎最佳男配角的提名及獲獎，地位尊祟。曾於劇集《怪俠一枝梅》同佢合作嘅霍建華，日前喺《鲁豫有約》節目中，提到當年同智叔合作時，曾經向佢請教演戲，但對方就只係話：「你不用，你把人做好就可以了。」霍建華表示自己當時完全唔明智叔嘅意思，更以為對方敷衍自己，直到近年才開始領悟其用意。
《怪俠一枝梅》已經係2011年嘅作品，但霍建華至今依然記得同智叔合作的點滴。（網上圖片）
霍建華之後又提到智叔每日開工都無助手，而無論到場或化妝時都會聽walkman。直到一次飯局中兩杯落肚後，霍建華問起智叔到底每日聽些什麼。「他說他孩子唱的詩歌，他的孩子已經……往生了。」霍建華講完之後，表現十分感嘆，亦指從智叔身上獲益良多。「如果你人做不好，那你拿獎又怎麼樣。」廖啟智細仔06年因血癌去世，一家陷入哀痛之中，最後憑宗教信仰走回正軌。
《如懿傳》9個多月的拍攝，令霍建華一度入戲太深而痛哭。（網上圖片）
訪問中，霍建華又提到同周迅合作嘅《如懿傳》，由於拍攝達9個多月，令他入戲太深，就連食飯都改稱為「用膳」，而向來唔喜歡表露感情的他，亦試過喺一場要同周迅道歉的戲份時，喊到收唔到聲，嚇到周迅呆咗。他說完成拍攝後，用了個多星期抽離，但直到現在，每次只要想到那一場戲都會眼濕濕。「我不是那麼感性的人，你可以想到那個劇情寫得有多深。」