【流感疫苗】黎明FB留言質疑成效 提醒：現有疫苗或是往年存貨
撰文：洪曉璇
出版：更新：
謝安琪私人對話聲帶意外流出，佢對流感疫苗嘅意見被各大媒體爭相報導，就連政府同醫學界都跳出嚟批評。姑勿論謝安琪嘅講法啱唔啱，呢啲都係佢同朋友私下嘅對話，並非於社交平台渲染自己嘅疑慮。9號早上真正有藝人為注射疫苗一事發聲，正正係明福俠黎明，佢仲提醒公眾：「現有疫苗或是往年存貨。」
謝安琪坦言無諗過私人對話會被公開。（謝安琪Facebook）
黎明於2月9號早上於Facebook留言，提醒公眾疫苗存貨有可能並不能對抗新型流感。（黎明FACEBOOK）
謝安琪一事正鬧得熱哄哄，黎明喺呢個時候挺身而出發表個人睇法。（資料圖片）
黎明踩《影視娛樂博覽》零創意 爆seed講真話：歡樂滿東華先會用
黎明洗腦電音原來係向Kpop取經 晚晚捉雷頌德落首爾夜場蒲住學習
一向相當敢言嘅黎明，曾經喺影視博覽記者會，以大使身份於台上踩口號零創意。對於呢次流感疫苗到底有無效，黎明都喺9號早上，於官方Facebook專頁發表個人見解。
「大家早！只想分享一段睇法關於流感疫苗，很多人看了新聞之後覺得流感疫苗要現在注射！但今年新疫苗應是在三月左右才能到達本港，現有市場的流感疫苗非常有可能還是往年季度的存貨，並非對抗新品種的流感疫苗。所以請先諮詢你的醫生或者上網搜尋收集清楚資料，因為記者也是人也有可能打錯字或急著在資料及常識不足或太忙的情況下，把文章供給讀者而內容有可能誤導了你的決定。」
謝安琪於網上留言承認聲帶中的主角就是自己。（謝安琪Facebook）