【談判官】 黃子韜做霸道總裁撩妹 孖楊冪組CP擦出愛火花

撰文:蘇國豪
出版:更新:

過年做咩好?梗係煲劇喇!如果你或妳唔想睇科幻﹑故裝等片,寫實時裝片不防可以睇睇,就好似近來熱播中的《談判官》,作為《親愛的翻譯官》第二部曲,由楊冪﹑黃子韜主演二人在談判桌上認識至相戀,過程中不失浪漫﹑撩妹技巧等等,睇到不少電視友都上晒癮。

黃子韜做霸道總裁成日撩妹(網上圖片)

《談判官》主要講述楊冪飾演的童薇是一位專業十足的談判專家,在她的手上所有談判事件都無往而不利,更是最年輕耀眼的談判專家;而黃子韜飾演的謝曉飛,是一位美國長大的富二代,絕對係霸道總裁。正正因為他自己唔認輸的個性,在一場商業上的項目認識對方,繼而因為家族問題而不時同楊冪在談判桌上對峙,後來因為有所認識最終二人就陷入愛戀。

二人飾演情侶,似足姐弟。(網上圖片)

黃子韜既然做得霸道總裁劇情就當然少不了撩妹技巧喇,不時對楊冪體貼十足,就好似用語言晒恩愛引用典故:「姜太公釣魚,願者上釣,那你不就是上釣了嗎?」霸道得嚟搞到楊冪不知幾開心。仲有仲有在辦公室中,黃子韜用男友力攬楊冪鍚鍚,不時又出現額頭吻等等技巧,睇到女性觀眾個心都噗通噗通咁跳,超有感覺。

黃子韜玩額頭吻 (網上圖片)
黃子韜的撩妹技巧睇到女性觀眾個心噗通噗通咁跳。(網上圖片)
+5

睇《談判官》除了睇楊冪﹑黃子韜談情說愛之外,其實在他們身上仲可以獲得好多好處,就好似楊冪在辦公室的唔同造型;黃子韜的唔同髮型等等,大家都可以作參考。事實上,《談判官》雖然大家覺得楊冪與黃子韜組CP有一點點怪,皆因似姐弟多過情侶,不過拋開年齡來講二人大方談情說愛,男方出盡辦法撩妹又幾好睇。劇集播出就至今收視高居不下,網播放量更高達15億人次收睇,絕對甜虐味濃濃,大家不容錯失。