【丫鬟大聯盟】洪永城演大宅少爺 被大班靚女包圍:唔止我開心

撰文:林迅景
出版:更新:

《丫鬟大聯盟》今日就舉行開鏡拜神。劇中除了有首次擔正女一的黃心穎(丫鬟月盈),更有飾演「少爺」的洪永城(裘水忠)。說起這部古裝喜劇,其實網上討論度十分之高,皆因劇中丫鬟個個都係靚女,而這次飾演大宅少爺的洪永城(裘水忠)在劇中更可以奉旨「溝女」左擁右抱。

洪永城飾演大宅少爺「裘水忠」。(陳順禎攝)

洪永城接受《香港01》訪問時說:「係吖,唔淨止我開心,其實所有男仕都開心。夜晚拍劇時候,唔知點解好多男仕失驚無神就喺廠出現。我覺得呢個廠好聚到人氣。」提起洪永城今次「擔正」做男一(第一男主角)時,洪永城就好謙虛的說:「男一男二呢啲唔好講啦,呢啲嘢好普通,唔需要特別討論。(不嬲做開男主角?)意思就係話,呢個角色係古代才子,表面上係好花弗,但係內裏係好專一,同埋好有才華嘅一個人。佢係古代嘅達文西,好鍾意研究拉鍊吖、扣吖、天外飛仙又好,這研究文學上嘅嘢。」係囉,呢個角色一定係度身訂造俾佢啦。

喺女演員堆入面工作,真係男士們夢寐以求嘅生活。(陳順禎攝)