黎明快閃影視娛樂博覽會 疑似新歡大肚佢點答?

撰文:鄺鈺瑩
出版:更新:

同女助手傳出新戀情嘅黎明,最近有傳女方已陀B六個月,到底係真定假呢?黎明雖然今午現身香港影視娛樂博覽開幕禮,但就一早表明唔受傳媒訪問,而他在台上只係回答了主持兩個問題,前後現身20分鐘已速逃。對於種種傳聞,根本唔會回應。

傳出戀情後,黎明首次現身,但只在台上與主持人交流,未有接受傳媒訪問。(陳順禎攝)

身為影視博覽大使嘅黎明被問到佢有份出演的宣傳片上有近80萬點擊率時,佢就話:「好多人都有意願加入娛樂圈,呢樣嘢唔係靠外型或學識,只要有堅強的信念,呢行係有好多機會。」之後被問到媒體對娛樂圈的幫助,黎明就認為只要有好作品,大眾一定會欣賞,最後祝願影視界一年比一年進步。嗱!今年影視博覽宣傳口號係「行動支持,唔使講嘢。」係未可以當作黎明嘅回應呢?

黎明今日連金句都無。(陳順禎攝)
+3