黎明準備做老竇 衛蘭隔幾日仍覺好驚喜:佢都係時候!

撰文:陳栢宇
出版:更新:
雖然衛蘭自己淨係唱咗《穿花蝴蝶》、《驗傷》同《I don't know, I don't care》三首啫,但班粉絲都好滿足。(梁碧玲攝)

潮流興Busking,呢樣嘢係Hit到連啲出咗好幾隻碟嘅歌手都忍唔住玩埋一份,玩過嘅歌手都會激讚過癮。最近銅鑼灣一個商場就食住個勢大搞戶外音樂會,搞足三十場之餘,今日更搵咗隱世歌神陳柏宇(Jason)同唱得之人衛蘭(Janice)打響頭炮。

Jason同Janice今日就分別唱咗幾首自己嘅大熱作品,而佢哋兩個仲有合唱咗《離家出走》x《航拍》添,令在場粉絲非常驚喜。Jason事後大呼過癮:「但其實戶外唱歌有難度,因為音效方面同室內有分別。」提到他五月在澳門開個唱,他就指要再排過舞:「麻煩啲,因為之前有四面台可以靠走位搭救,澳門個場就得三面台,要老老實實咁跳。」完成演唱會後便會構思新歌。

而同Janice提到佢舊老闆黎明準備做人老竇時,已經知道消息嘅佢就話仍然覺得好Surprise:「因為佢未結婚,同埋一嚟就咁大件事,真係有啲驚訝,都開心嘅,佢都係時候!(冇諗過有呢一日?)因為佢好忙,完全冇諗過佢會做人爸爸。」曾經被黎明指「肥過部電單車」的Janice又笑指自己因為忙足一年,所以之前去到洛杉磯喪食喪玩放縱一下:「唔使磅都知自己肥咗,個褲頭緊咗好多,之後又要努力返喇!」而她亦透露下星期一會推出新歌《生涯規劃》,希望大家會支持。

提到黎明準備做老竇,衛蘭就話仲係好驚喜,仲笑住話佢都係時候。(梁碧玲攝) 陳柏宇就話五月澳門個唱會認真跳舞。(梁碧玲攝)
陳柏宇自己一個人時就唱咗《別來無恙》、《霸氣情歌》、《想創》同《萬中無一》四首歌。(梁碧玲攝)