【幕後玩家.劇透】黃宗澤利慾薰心害死陸永 搶人妻黃翠如正人渣

撰文:郭敏玲
出版:更新:
談談情,跳跳舞,係搭上人妻第一步。

相信大家昨晚在《幕後玩家》見到龔嘉欣飾演的Carmen得知老公Sheldon(黃宗澤飾演)有外遇後崩潰爆喊,做得好之餘,仲會覺得揪心揪肺。崩潰場面遠遠未夠,撞正Sheldon媽媽(馮素波飾演)意外身亡,情婦Emma(劉佩玥)不尋常地到喪禮踩場,Carmen真是低處未算低,觀眾個心應該仲會乸住痛。

與此同時,之前講過劇情重點由公關轉移到黃宗澤將會拋妻棄子,與兄弟反目成仇,力追人妻黃翠如。為嘅係咩?一向怕被人睇唔起的Sheldon,想上位擁有名利,一心要入大公司,為的就當然是錢。利慾薰心,連兄弟的老婆都搭上。加上大公司入面又有紛爭,為黃翠如同陳煒之間的持久戰幫拖,可以話黃宗澤今集奸上奸,奸到一個程度,還會間接害死黃翠如親細佬陸永。不過陸永臨終之前,都仲會有少少甜頭,拍下拖先嘅。至於又要搭上黃翠如,又間接害死人哋細佬係咩玩法?相信觀眾都會擔定凳仔睇!

【幕後玩家】黃宗澤為錢奸到盡:30幾歲人仲做偶像派咩?

【幕後玩家】龔嘉欣遇小三爆喊 親身經歷特別投入:全部真眼淚

Sheldon搭上人妻顧成雙,仲要求埋婚,當然係有目的。
三兄弟反晒面,何必呢?
為咗錢可以去到幾盡?就係會害死人。